मोरङ । मोरङमा १२ वर्षीया बालिकालाई जबरजस्ती करणी गरेको अभियोगमा ५ जना पक्राउ परेका छन्। पक्राउ पर्नेहरूमा सुनवर्षी नगरपालिका–९ का २१ वर्षीय सुमन कुमार साह लगायत ५ जना रहेका छन्।
बालिकालाई करणी गरेको उजुरीका आधारमा इलाका प्रहरी कार्यालय रंगेलीबाट खटिएको प्रहरी टोलीले उनीहरूलाई आइतबार दिउँसो नियन्त्रणमा लिएको हो। पक्राउ परेका व्यक्तिहरूमाथि प्रहरीले थप अनुसन्धान गरिरहेको जनाएको छ।