मोरङ, १८ बैशाख। गुराँसको राजधानी भनेर चिनिने तिनजुरे–मिल्के–जलजले (टिएमजे) क्षेत्रमा गुराँस ढकमक्क फुलेको छ । टिएमजे संखुवासभा, तेह्रथुम र ताप्लेजुङ ३ जिल्लाको संगम स्थल पनि हो । टिएमजे क्षेत्रमा अहिले गुराँस हेर्न आउनेको भिड बढ्दो छ।
यस पर्यटकीय क्षेत्रमा चैत अन्तिम हप्तादेखि वैशाख अन्तिम हप्तासम्म लालीगुराँस ढकमक्क फुल्ने गर्दछ । टिएमजे क्षेत्रमा ३२प्रजातिका गुराँसमध्ये २८ प्रजातिका गुराँस पाइन्छ । टिएमजे
क्षेत्रमा वनैभरि रातै गुराँस फुलेको देखेर जो कोहीको पनि मन लोभ्याउनेगर्छ । स्थानीय लाल कुमारी राईका अनुसार गुराँस फुल्ने र हिउ पर्ने समयमा धेरै पर्यटकहरु आउने गर्छन् ।