रास्वपा सभापति रवि लामिछानेले भारतीय प्रधानमन्त्री नरेन्द्र मोदीसँगको भेटघाट निकै फलदायी रहेको बताउनुभएको छ। आज भएको करिब एक घण्टा लामो कुराकानीपछि सामाजिक सञ्जालमार्फत प्रतिक्रिया दिँदै लामिछानेले नेपाल र भारतबीच विगतका समस्या र सीमाहरूलाई नाघेर विकास कूटनीतिको नयाँ युग सुरु गर्न आफू उत्साहित रहेको उल्लेख गर्नुभएको छ।
उहाँले डिजिटल कोरिडोर, साझा सभ्यताको सम्बन्ध र सहज कनेक्टिभिटीमार्फत दुई देशबीच आपसी विश्वास र प्रगतिको साझेदारी बनाउन सकिने बताउनुभयो। लामिछानेले दुवै देशको साझा समृद्धिका लागि रास्वपाले यी सम्भावनाहरूलाई व्यवहारमा उतार्न काम गर्ने प्रतिबद्धता समेत व्यक्त गर्नुभएको छ।