बाढीको विनाश: हालसम्म १ हजार ७ जनाको शव फेला

काठमाडौँ, १६ भदौ ।
रसुवामा आएको विनाशकारी बाढीका कारण मङ्गलबार बिहान १०:०० बजेसम्म १ हजार ७ जनाको शव फेला परेको छ । बाढीले विभिन्न जिल्लामा ठूलो मानवीय क्षति पुर्‍याएको छ ।

प्रहरीले उपलब्ध गराएको पछिल्लो विवरण अनुसार जिल्लागत रूपमा सङ्कलन गरिएको शवहरूको सङ्ख्या यस प्रकार छ:

• चितवन: ३ सय २१ जना

• नवलपरासी पूर्व: २ सय १६ जना

• नवलपरासी पश्चिम: १ सय ६५ जना

• नुवाकोट: १ सय ३ जना

• गोरखा: ६५ जना

• धादिङ: ५६ जना

• रसुवा: ३८ जना

• तनहुँ: ३८ जना

• भारतमा: ५ जना

हालसम्म विभिन्न स्थानबाट गरी कुल १ हजार ७ जनाको शव फेला परेको पुष्टि भएको छ ।

उद्धार र खोजी कार्य जारी
प्रहरीले बाढीको जोखिममा रहेका विभिन्न जिल्लाका घर परिवारलाई सुरक्षित स्थानमा राख्ने कार्य गरिरहेको छ । विभिन्न निकाय र स्थानीयवासीको समन्वय तथा सहयोगमा आवश्यक उद्धार एवं बेपत्ता भएकाहरूको खोजी कार्यलाई तीव्रता दिइएको छ । साथै, बाढीका कारण विभिन्न स्थानमा अवरुद्ध भएका बाटाहरू हटाउने कार्य समेत प्रहरीले गरिरहेको छ ।