रसुवाको भोटेकोशी नदीमा आएको बाढीले निम्त्याएको संकट समाधानका लागि प्रधानमन्त्री वालेन्द्र शाहले सुरक्षा निकायका प्रमुखहरूसँग श्रृंखलाबद्ध छलफल थाल्नुभएको छ।
प्रधानमन्त्री शाहले केहीबेरअघि प्रधान सेनापति अशोकराज सिग्देलसँग हालसम्मको खोज, उद्धार र राहत व्यवस्थापनबारे ब्रिफिङ लिनुभएको छ। उहाँले आजै सशस्त्र प्रहरी बलका महानिरीक्षक नारायणदत्त पौडेल र नेपाल प्रहरीका महानिरीक्षक दानबहादुर कार्कीसँग पनि छुट्टाछुट्टै ब्रिफिङ लिँदै हुनुहुन्छ। बाढी प्रभावित क्षेत्रमा उद्धार कार्यलाई थप प्रभावकारी बनाउन र राहत वितरणलाई तीव्रता दिन प्रधानमन्त्रीले सुरक्षा निकायलाई निर्देशन दिने तयारी गर्नुभएको छ।