रसुवाको भोटेकोशी बाढी प्रभावित क्षेत्रमा सञ्चार सहज बनाउन नेपाल दूरसञ्चार प्राधिकरणले २० थान स्याटेलाइट फोन उपलब्ध गराएको छ। अन्तर्राष्ट्रिय दूरसञ्चार संघ (ITU) बाट प्राप्त यी फोनहरू रसुवा र नुवाकोटमा १०/१० थान वितरण गरिएको हो।
आगामी तीन महिनासम्म नि:शुल्क प्रयोग गर्न सकिने यी फोनले मोबाइल नेटवर्क नभएका दुर्गम स्थानमा समेत सूचना आदानप्रदान र उद्धार कार्यलाई प्रभावकारी बनाउने विश्वास गरिएको छ।