काठमाडौँ, १३ साउन । प्रधानमन्त्री बालेन्द्र शाहले सुनसरीमा हालै भएको घटना र शान्ति-सुरक्षाको पछिल्लो अवस्थाबारे सुरक्षा निकायका प्रमुखहरूसँग विस्तृत ब्रिफिङ लिनुभएको छ।
गृहमन्त्री सुधन गुरुङको उपस्थितिमा प्रधानमन्त्री शाहले नेपाल प्रहरीका महानिरीक्षक दानबहादुर कार्की र सशस्त्र प्रहरी बलका महानिरीक्षक नारायणदत्त पौडेलसँग छुट्टाछुट्टै भेट गरी वस्तुस्थिति र सम्भावित जोखिमबारे जानकारी लिनुभएको हो।
ब्रिफिङका क्रममा प्रधानमन्त्री शाहले सुनसरीको परिस्थिति तत्काल नियन्त्रणमा लिन, नागरिकको जिउधनको सुरक्षा सुनिश्चित गर्न र सामाजिक सद्भाव बिगार्न खोज्ने तत्वहरूमाथि कडा निगरानी राख्न निर्देशन दिनुभयो। उहाँले शान्ति-सुरक्षा कायम राख्न कुनै पनि सम्झौता नगर्न र सुरक्षा निकायलाई उच्च सतर्कताका साथ परिचालन गर्न समेत स्पष्ट निर्देशन दिनुभएको छ।