२०८२ मङ्सिर २२ गते सोमबार, काठमाडौं।
राष्ट्रिय वाणिज्य बैंक लिमिटेडले चितवनको सौराहामा दुई दिने “बिजनेस मिट २०८२” सम्पन्न गरेको छ । गत मंसिर १८ र १९ गते आयोजित उक्त कार्यक्रममा देशभरका उत्कृष्ट ६७ शाखाका प्रबन्धकहरूको सहभागिता रहेको थियो ।
बैंक सञ्चालक समितिका अध्यक्ष देव कुमार ढकालको अध्यक्षतामा सम्पन्न कार्यक्रममा बैंकमा रहेको निक्षेपलाई गुणात्मक कर्जाको रूपमा कसरी सदुपयोग गर्ने र सेवा प्रवाहलाई कसरी प्रभावकारी बनाउने भन्ने विषयमा व्यापक छलफल भएको थियो । सहभागी शाखा प्रबन्धकहरूले व्यवसाय विस्तारका लागि आ-आफ्नो कार्ययोजना समेत प्रस्तुत गरेका थिए ।
कार्यक्रममा बैंकका प्रमुख कार्यकारी अधिकृत देवेन्द्र रमण खनालले गुणस्तरीय कर्जा विस्तारमा जोड दिँदै सेवाग्राहीसँगको व्यवहार सकारात्मक बनाउन र सेवा प्रवाह चुस्त राख्न निर्देशन दिएका थिए । बैंकले कर्मचारीको क्षमता अभिवृद्धि र व्यवसायिक योजनामा विशेष ध्यान दिने जनाएको छ ।