काठमाडौं,
लमजुङको बेसीशहर नगरपालिका–२ भकुण्डे बस्ने ४५ वर्षीया सीता कँडेलको हत्यामा संलग्न रहेको अभियोगमा प्रहरीले एक जनालाई पक्राउ गरेको छ ।
पक्राउ पर्नेमा चितवन साविक बछौली गाविस–१ हाल रत्ननगर नगरपालिका–६ घर भएका ४७ वर्षीय बुद्धिराम दराई रहेका छन् । उनलाई बिहीबार नेपाल प्रहरीको केन्द्रीय अनुसन्धान ब्यूरो (सीआईबी) को टोलीले पक्राउ गरेको हो ।
सीता कँडेल २०८१ चैत ३१ गते आफ्नै घरमा मृत अवस्थामा फेला परेकी थिइन् । सोही घटनामा संलग्न रहेको अभियोगमा जिल्ला अदालत लमजुङले २०८२ वैशाख १५ गते दराईविरुद्ध पक्राउ पुर्जी जारी गरेको थियो ।
अदालतबाट पक्राउ अनुमति पाएपछि फरार रहेका दराईलाई सीआईबीबाट खटिएको विशेष प्रहरी टोलीले रूपन्देहीको सिद्धार्थनगर नगरपालिका–१ बेलहियाबाट फेला पारी पक्राउ गरेको हो ।
पक्राउ परेका दराईलाई आवश्यक अनुसन्धान तथा कानुनी कारवाहीका लागि जिल्ला प्रहरी कार्यालय लमजुङ पठाइएको केन्द्रीय अनुसन्धान ब्यूरोले जनाएको छ ।