काठमाडौं, १६ असोज — नेपालका १३औँदेखि २०औँ शताब्दीसम्मका ८०० भन्दा बढी ऐतिहासिक पाण्डुलिपि तथा दस्तावेज समेटिएको जोसेफ पिटर रिन्डफ्लाइस संग्रह राष्ट्रिय अभिलेखालय नेपाललाई हस्तान्तरण गरिएको छ।
परराष्ट्रमन्त्री शिशिर खनालको प्रमुख आतिथ्यमा आज आयोजित कार्यक्रममा हाइडेलबर्ग विश्वविद्यालय तथा हाइडेलबर्ग एकेडेमी अफ साइन्सेस एन्ड ह्युमानिटिजका प्रा. डा. एक्सेल माइकल्सले उक्त ऐतिहासिक संग्रह मन्त्री खनाललाई हस्तान्तरण गर्नुभयो।
कार्यक्रममा मन्त्री खनालले ऐतिहासिक दस्तावेजको स्वदेश फिर्ती नेपालको लिखित सांस्कृतिक सम्पदाको संरक्षण र प्रवर्द्धनका लागि महत्वपूर्ण उपलब्धि भएको बताउनुभयो। उहाँले विश्वका विभिन्न स्थानमा रहेका नेपाली ऐतिहासिक सम्पदा स्वदेश फिर्ता ल्याउने सरकारको प्रयास निरन्तर रहने प्रतिबद्धता व्यक्त गर्नुभयो।
कार्यक्रम राष्ट्रिय अभिलेखालय, हाइडेलबर्ग सेन्टर फर ट्रान्सकल्चरल स्टडिज, हाइडेलबर्ग एकेडेमी अफ साइन्सेस एन्ड ह्युमानिटिज र सराफ फाउन्डेसनको संयुक्त आयोजनामा भएको हो।
मिति सही बनाएर समाचार मिलाउनुहोस्राष्ट्रिय अभिलेखालयको नाम स्पष्ट पार्नुहोस्