काठमाडौँ। सम्माननीय प्रधानमन्त्री वालेन्द्र शाहले आज सिंहदरबारस्थित प्रधानमन्त्री तथा मन्त्रिपरिषद्को कार्यालयमा देशका प्रमुख उद्यमी तथा व्यवसायीहरूसँग छलफल गर्नुभएको छ। छलफलमा उद्योगीहरू बिनोद चौधरी, पवन गोल्यान, उमेश श्रेष्ठ र चन्द्र ढकाल सहभागी हुनुहुन्छ।
उक्त भेटवार्तामा मुलुकको विद्यमान आर्थिक अवस्था, निजी क्षेत्रले भोगिरहेका समस्या, लगानीको वातावरण र रोजगारी सिर्जनाका विषयमा गहन कुराकानी भइरहेको छ। साथै, सरकार र निजी क्षेत्रबीचको सहकार्यलाई थप प्रभावकारी बनाउँदै अर्थतन्त्रका चुनौती समाधान गर्ने र लगानी अनुकूल वातावरण निर्माण गर्ने विषयमा छलफल केन्द्रित रहेको छ।