२०८२ असोज ०५ गते आइतबार, काठमाडौं।
तनहुँमा १४ वर्षीया बालिकालाई जबरजस्ती करणी गरेको आरोपमा एक व्यक्ति पक्राउ परेका छन् ।
भानु नगरपालिका–३ तुरतुरेस्थित श्रेष्ठ मेडिकलमा कार्यरत सिराहा लहान नगरपालिका–१२ घर भएका ४१ वर्षीय सुमित शाहलाई शनिबार बिहान प्रहरीले पक्राउ गरेको हो ।
शाहले मेडिकलमै बालिकामाथि जबरजस्ती करणी गरेको भन्ने उजुरीपछि प्रहरी चौकी तुरतुरेबाट खटिएको टोलीले उनलाई नियन्त्रणमा लिएको जिल्ला प्रहरी कार्यालय तनहुँले जनाएको छ ।
पक्राउ परेका शाहमाथि आवश्यक कानुनी प्रक्रिया अघि बढाइने प्रहरीले जनाएको छ ।