२०८२ साउन २७ गते मंगलबार, काठमाडौं।
प्रधानमन्त्री के पी शर्मा ओलीले रासायनिक मलको कृत्रिम अभाव सिर्जना गरी किसानलाई दुःख दिने प्रवृत्ति अन्त्य गर्न र दीर्घकालीन समाधान खोज्न कडा निर्देशन दिनुभएको छ। पर्याप्त मात्रामा मल मौज्दात हुँदा पनि किसानले समयमा मल नपाएको गुनासो बढेपछि उहाँले आज कृषि तथा पशुपन्छी विकासमन्त्री, उद्योग, वाणिज्य तथा आपूर्तिमन्त्री र सम्बन्धित निकायका अधिकारीहरुलाई बोलाएर छलफल गर्नुभएको हो।
उक्त छलफलमा प्रधानमन्त्री ओलीले मल व्यवस्थापन र उत्पादन वृद्धिबारे तत्काल कार्यान्वयन गर्न तीन मुख्य विषयमा निर्देशन दिनुभएको थियो।
उहाँले दिनुभएका तीन-बुँदे निर्देशनहरू यस प्रकार थिए:
१. रासायनिक मलको वितरण चुस्त बनाउन नयाँ ढाँचासहितको ठाेस योजना।
२. कम्पाेष्ट र आर्ग्यानिक मलको उत्पादन र प्रयोगका लागि राष्ट्रिय अभियान सन्चालन तथा यसमा अनुदान नीतिको प्रस्ताव ल्याउन।
३. माटाेकाे उर्वरता बचाउने खालको रासायनिक मल कारखाना नेपालमै खोल्न अध्ययनको खाका ल्याउन।