२०८२ साउन ११ गते आईतबार, काठमाडौं।
मोरङको सुन्दरहरैंचा नगरपालिकामा १४ वर्षीया बालिकालाई जबरजस्ती करणी गरेको अभियोगमा प्रहरीले एक जनालाई पक्राउ गरेको छ । पक्राउ पर्नेमा सुन्दरहरैंचा नगरपालिका-६, नमुना चोकका ३७ वर्षीय खगेन्द्र विक रहेका छन् ।
पीडित बालिकालाई विकले जबरजस्ती करणी गरेको भनी पीडित पक्षबाट प्रहरीमा उजुरी परेको थियो । सोही उजुरीको आधारमा प्रहरी चौकी गछियाबाट खटिएको प्रहरी टोलीले विकलाई शनिबार साँझ पक्राउ गरेको हो ।
जिल्ला प्रहरी कार्यालय मोरङका अनुसार, उजुरी प्राप्त हुनासाथ प्रहरीले तत्कालै कारबाही अगाडि बढाएको थियो । पक्राउ परेका विकलाई नियन्त्रणमा लिई घटनाको सम्बन्धमा थप अनुसन्धान सुरु गरिएको छ ।
प्रहरीले घटनाको संवेदनशीलतालाई ध्यानमा राख्दै पीडित बालिकाको पहिचान गोप्य राखेको छ र उनको स्वास्थ्य परीक्षण लगायतका कानुनी प्रक्रिया अगाडि बढाइएको जनाएको छ ।