ढकारी (अछाम) । १७ वर्षीया बालिकालाई जबरजस्ती करणी गरेको अभियोगमा प्रहरीले एक युवकलाई पक्राउ गरेको छ ।
पक्राउ पर्नेमा अछामको ढकारी गाउँपालिका-२, बलातीबाडा कालिकास्थान बस्ने १९ वर्षीय पुष्प साउद रहेका छन् ।
साउदले ती बालिकालाई जबरजस्ती करणी गरेको भन्ने उजुरी परेको थियो । सोही उजुरीका आधारमा प्रहरी चौकी ढकारीबाट खटिएको प्रहरी टोलीले उनलाई आइतबार दिउँसो नियन्त्रणमा लिएको हो ।
यस घटनाका सम्बन्धमा प्रहरीले थप आवश्यक अनुसन्धान गरिरहेको जनाएको छ ।