२०८२ साउन १९ गते सोमबार, काठमाडौं।
मोरङको पथरीशनिश्चरे नगरपालिकाबाट प्रहरीले संरक्षित वन्यजन्तु जरायोको तीन जोर (६ वटा) सिङसहित दुई जनालाई पक्राउ गरेको छ ।
आइतबार साँझ पथरीशनिश्चरे-२, सरस्वती टोलबाट सोही ठाउँका ३१ वर्षीय निरज गुरुङ र २४ वर्षीय विजय राईलाई प्रहरीले नियन्त्रणमा लिएको हो ।
इलाका प्रहरी कार्यालय पथरीका अनुसार, विशेष सूचनाको आधारमा खटिएको प्रहरी टोलीले निरज गुरुङको घरमा खानतलासी गर्दा लुकाइराखेको अवस्थामा उक्त सिङहरू बरामद गरेको थियो । सिङको अवैध कारोबारमा संलग्न भएको आशंकामा प्रहरीले दुवै जनालाई पक्राउ गरेको हो ।
पक्राउ परेका गुरुङ र राईलाई बरामद गरिएको सिङसहित आवश्यक अनुसन्धान तथा कानुनी कारबाहीका लागि सव डिभिजन वन कार्यालय, पथरीमा बुझाइएको छ ।
नेपालमा जरायो संरक्षित वन्यजन्तुको सूचीमा पर्दछ र यसको अंगको अवैध ओसारपसार, खरिद-बिक्री तथा संग्रह गर्नु दण्डनीय अपराध मानिन्छ ।