काठमाडौँ – समानुपातिक उम्मेदवारको बन्दसूची बुझाउने अन्तिम दिन निर्वाचन आयोगमा राजनीतिक दलहरूको घुइँचो लागिरहँदा केही ‘जेन-जी’ (Gen-Z) युवाहरूले भने निर्वाचन प्रक्रिया नै रोक्न माग गर्दै प्रदर्शन गरेका छन्।
अजय सोडारी लगायतका युवाहरूको समूहले आयोगको कार्यालय पुगेर ‘निर्वाचन धोका हो’, ‘निर्वाचन प्रक्रिया बन्द गर’ र ‘भ्रष्टलाई कारबाही गर’ जस्ता नाराबाजी गरेका हुन्। प्रदर्शनका क्रममा उनीहरूले सुशीला कार्कीको राजीनामा माग गर्नुका साथै प्रहरी दमनको समेत विरोध गरेका छन्।
यसअघि पनि सोडारी र मिराज ढुंगानासहितको टोलीले माइतीघर मण्डलामा प्रधानमन्त्रीको राजीनामा माग गर्दै प्रदर्शन गरेका थिए। आज समानुपातिकतर्फको बन्दसूची बुझाउने अन्तिम म्याद भएकाले आयोगमा दलहरूलाई भ्याइनभ्याइ भइरहेका बेला यो विरोध प्रदर्शन भएको हो।