२०८२ माघ ०९ गते शुक्रबार, काठमाडौं।
निर्वाचन आयोगले सार्वजनिक गरेको अद्यावधिक विवरण अनुसार २०८२ फागुन २० गतेसम्म १८ वर्ष पूरा गरेका मतदाताको संख्या देशभर १ करोड ८९ लाख ३ हजार ६ सय ८९ पुगेको छ।
आयोगका अनुसार महिलाको तुलनामा पुरुष मतदाताको संख्या करिब ४ लाख २३ हजारले बढी रहेको छ। लिङ्गका आधारमा हेर्दा पुरुष मतदाता ९६ लाख ६३ हजार ३ सय ५८ जना रहेका छन् भने महिला मतदाता ९२ लाख ४० हजार १ सय ३१ जना छन्। यस्तै, अन्य लिङ्ग समूहका मतदाताको संख्या २ सय रहेको आयोगले जनाएको छ।
आगामी निर्वाचनलाई लक्षित गर्दै मतदाता नामावली अद्यावधिक गरेको हो। यसले निर्वाचन प्रक्रिया थप समावेशी र व्यवस्थित बनाउन सहयोग पुग्ने अपेक्षा गरिएको छ।
